Më pëlqen, Pazar i mirë, Shumë i mirë: si funksionojnë reagimet

Nën çdo zbritje ke tri ikona. Me një prekje u tregon klientëve të tjerë cilat oferta ia vlejnë, pa pasur nevojë të shkruash koment.

Nën çdo zbritje te n’Zbritje ke tri ikona: Më pëlqen, Pazar i mirë dhe Shumë i mirë. Janë mënyra më e shpejtë për t’u treguar klientëve të tjerë cilat zbritje ia vlejnë.

Çka do të thotë secila

  • Më pëlqen: oferta të duket interesante.
  • Pazar i mirë: çmimi është vërtet i mirë për atë që merr.
  • Shumë i mirë: ofertë që do t’ua rekomandoje edhe të tjerëve.

Një zbritje mund ta vlerësosh vetëm një herë. Nëse e prek sërish të njëjtën ikonë, reagimi hiqet. Nëse prek një ikonë tjetër, reagimi ndryshon.

Çka ndodh me reagimet

Zbritjet që marrin më shumë reagime dalin më lart te “Për ty” dhe te klientët me interesa të ngjashme. Te faqja e çdo biznesi del edhe numri total i Reagimeve, krahas ndjekësve dhe zbritjeve aktive, që të shohësh shpejt cilat biznese i pëlqejnë klientët.

Pa llogari dhe pa koment

Për të reaguar nuk duhet llogari, as të shkruash ndonjë gjë. Nuk ka reagime negative: nëse një zbritje nuk të pëlqen, thjesht nuk e vlerëson. Nëse një zbritje është e gabuar ose mashtruese, përdor “Raporto” te faqja e saj.